30.08.2024

“Garaşsyzlyk – türkmeniň şan – şöhraty” atly maslahat

Mary welaýatynyň döwlet arhiwiniň ýolbaşçylarynyň we işgärleriniň gatnaşmagynda Türkmenistan döwletimiziň Garaşsyzlygynyň şanly 33 ýyllyk baýramy mynasybetli “Garaşsyzlyk – türkmeniň şan – şöhraty” atly maslahat geçirildi. 

Döwlet arhiwiniň hünärmenleri türkmen halkynyň Milli Lideri Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde ýurdumyzyň ýyldan-ýyla täze ösüşlere, üstünliklere, giň möçberli özgerişliklere barýandygyny bellediler.  Türkmenistan özüniň içerki we daşarky syýasatynyň netijesinde parahatçylyk, hoşniýetli goňşyçylyk we ynsanperwerlik ýörelgeleri hakynda gürrüň berildi. 

Maslahata gatnaşyjylar türkmen halkynyň Milli Lideri Gahryman Arkadagymyzy, hormatly Prezidentimiz Arkadagly Gahryman Serdarymyzy, mähriban türkmen halkymyzy, arhiw ulgamynyň ähli işgärlerini Beýik Garaşsyzlygymyzyň 33 ýyllyk baýramy bilen gutlap, alnyp barylýan döwlet bähbitli işlerde uly üstünlikleriň hemra bolmagyny arzuw etdiler.