15.11.2024

Çöwrülen gyra kagyzlar bilen işlemegiň usuly

Merkezi barlaghananyň işgärleri tarapyndan “Çöwrülen gyra kagyzlar bilen işlemegiň usuly” atly tema boýunça hünär kämilleşdiriş okuw sapagy geçirildi.

Işiň içindäki fiziki sahypa laýyk gelmeýän dürli görnüşli resminamalar üçin dürli giňlikdäki gyra kagyzlar goşulýar.

Resminamalar dikeldilenden soň goşulýan dürli inlikdäki gyra kagyzlar işiň içindäki resminamalary göni saklamaga we gelejekde ulanmaga has amatly bolmagyna mümkinçilik berýär.

Gyra kagyzyň bu görnüşi kitapça ýa-da depder görnüşinde toplanan resminamalarda ulanylýar. Ähli sahypalar gaýtadan dikeldilenden soň, “çöwürme” gyra kagyzy dikilýär. Şeýle gyra kagyzlary goşulanda, onuň ölçeg boýunça giňligi göz öňünde tutulmalydyr. Gyra kagyz alnanda, iki esse inli, eplenende bolsa, onuň galyňlygy depderiň ýa-da kitapçanyň inine barabar bolmalydyr.