02.10.2025

Lebap welaýatynyň döwlet arhiwinde okuw maslahaty geçirildi

Berkarar döwletiň täze eýýamynyň Galkynyşy döwründe «Halkara parahatçylyk we ynanyşmak» ýylynda ýurdumyzda arhiwleriň, milli gymmatlygy hökmünde, arhiw işiniň ösdürilmegine uly ähmiýet berilýär, döwletiň aladasy netijesinde ýurtda arhiw işini düýpli özgertmäge gönükdirilen esas goýujy kanunçylyk we beýleki kadalaşdyryjy hukuk namalary işlenilip düzülýär. 

Lebap welaýatynyň döwlet arhiwiniň hünärmenleri tarapyndan Türkmenistanyň Adalat ministrliginiň Lebap welaýatynyň etrap, şäher döwlet notarial edaralarynda döwlet iş dolandyryşy talaba laýyk ýola goýmak, arhiw işi we iş dolandyryş boýunça kadalaşdyryjy resminamalary işe ornaşdyrmak maksady bilen okuw maslahaty geçirildi.

Maslahata gatnaşyjylar Türkmenistanda arhiw işini ösdürmek boýunça kanunçylyk kadalaşdyryjy hukuk namalary, Baş arhiw müdirligi tarapyndan işlenilip taýýarlanylýan kadalaşdyryş namalary, düzgünnamalary, kadalary, resminamalaryň saklanylmaly möhletleri görkezilen birkysmy sanawy bilen tanyşdyryldy. Lebap welaýatynyň edara-kärhanalarynyň kadalaşdyryjy-usuly resminamalaryny, işleriň at ýazgylaryny işläp taýýarlamagyň, ylalaşmagyň we tassyklamagyň aýratynlyklary ara alnyp maslahatlaşyldy.

Mundan başga-da edaralaryň pudaklaýyn arhiwlerinde arhiw resminamalarynyň abat saklamagyny üpjün etmek üçin arhiw jaýyna umumy bildirilýän talaplary berjaý etmek, amatly şertleri döretmek barada aýdylyp, döwlet arhiwiniň aýawhanalary bilen tanyşlyk geçildi.

Lebap welaýatynyň döwlet arhiwiniň işgärleri welaýatyň edara-kärhanalarynyň pudaklaýyn arhiwleriniň işinde ýüze çykýan soraglara jogaplar we maslahatlar berdiler. Türkmen halkymyzyň Milli mirasymyzy gorap saklamakda, geljekki nesillerimize ýetirmekde, we ony äleme ýaýmaga ähli mümkinçilikleri döredip berýän türkmen halkynyň Milli Lideri Gahryman Arkadagymyza il-ýurt bähbitli başlangyçlaryny mynasyp dowam etdirýän Arkadagly Gahryman Serdarymyza minnetdarlygyny bildirdiler.